Almenn ákvæði
Þessir skilmálar gilda um öll miðakaup og notkun á þjónustu MOMENTí gegnum vefinn moment.is eða aðrar dreifileiðir tengdar kerfinu.
Með kaupum eða notkun samþykkir viðskiptavinur þessa skilmála og staðfestir að hafa kynnt sér þá í heild.
Réttar upplýsingar við kaup
Vinsamlegast farið vandlega yfir miðakaupin áður en greiðsla er staðfest: dagsetningu, tímasetningu, staðsetningu og verðflokk.
Það getur verið ómögulegt að leiðrétta miðakaup eftir að þau hafa verið staðfest.
Áframsala og endursala miða
Ekki er heimilt að áframselja miða með fjárhagslegum hagnaði nema með skriflegu samþykki viðburðahaldara eða í gegnum samþykktan endursölumarkað MOMENT.
Ef í ljós kemur að miði hefur verið seldur með hagnaði án slíkrar heimildar, áskilur MOMENT sér rétt til að ógilda miðann.
Moment býður notendum upp á að færa miða á milli notenda. Það er gert til þess að forðast svik og falsaða miða.
Niðurfelling eða breyting á viðburði
Ef viðburður fellur niður, skal eigendum miða boðinn sambærilegur miði á nýja dagsetningu eða full endurgreiðsla.
Ef dagsetningu eða tímasetningu er breytt færist miðinn sjálfkrafa yfir á nýjan tíma.
Ef ný dagsetning hentar ekki, á kaupandi rétt á endurgreiðslu innan þeirra tímamarka sem tilgreind eru í tilkynningu viðburðahaldara.
Endurgreiðsla og afturköllun
Kaupandi hefur 14 daga frá miðakaupum til að falla frá kaupunum og óska eftir endurgreiðslu, nema minna en 14 dagar séu í viðburð.
Eftir að miðinn hefur verið afhentur (rafrænt eða í pósti) er póstburðargjald og þjónustugjald ekki endurgreitt.
Endurgreiðslur vegna niðurfellinga eða breytinga fara fram í samráði við viðburðahaldara og í gegnum sama greiðslumáta og notaður var við kaup.
Ábyrgð viðburðahaldara
MOMENT er sölumiðill og miðlunarkerfi.
Allir viðburðir eru á ábyrgð viðburðahaldara, sem ber ábyrgð á efnislegum þáttum viðburðarins, framkvæmd, öryggi og innihaldi.
MOMENT ber enga ábyrgð á tjóni eða kostnaði sem kann að falla á kaupanda vegna breytinga eða niðurfellingar viðburðar.
Aldurstakmörk
Aldurstakmörk á viðburðum fara eftir gildandi lögum, s.s. barnaverndarlögum og lögum um vínveitingastaði.
Viðburðahaldari getur þó sett strangari reglur, sem þá gilda framar almennum ákvæðum.
Takmarkaður miðafjöldi
Viðburðahaldari eða MOMENT geta sett hámarksfjölda miða sem hver aðili má kaupa.
Ef sá fjöldi er umfram leyfilegt, áskilur MOMENT sér rétt til að ógilda ofkeypta miða.
Rafrænir miðar og aðgangur
Rafrænir miðar eru gild sönnun um aðgang.
Hver miði er gildur einu sinni og verður óvirkur eftir notkun.
Kaupandi ber ábyrgð á að varðveita miðann örugglega. Týndir eða notaðir miðar eru almennt ekki endurútgefnir.
Óheimil notkun og svik
Það er óheimilt að falsa eða breyta miðum.
Miðar sem eru notaðir í ólögmætu skyni verða ógiltir án endurgreiðslu og mál geta verið framsend til lögreglu.
Persónuvernd og samskipti
MOMENT vinnur persónuupplýsingar í samræmi við lög og reglur um persónuvernd.
Með miðakaupum samþykkir kaupandi að fá sendar upplýsingar um miðann, viðburðinn og tengda þjónustu.
Ef kaupandi vill afturkalla slíkt samþykki getur hann haft samband á netfangið moment@moment.is.
Persónulegir munir
MOMENT og viðburðahaldarar bera enga ábyrgð á persónulegum munum viðskiptavina fyrir, á meðan eða eftir viðburði.
Tæknileg þjónusta og greiðslur
MOMENT notar öruggar greiðslugáttir í samræmi við alþjóðlega staðla.
Viðskiptavinur skal tryggja að greiðsluupplýsingar séu réttar og gildar.
Ef greiðsla tekst ekki eða er afturkölluð getur MOMENT lokað aðgangi að miðakaupum.
Breytingar á skilmálum
MOMENT áskilur sér rétt til að uppfæra eða breyta þessum skilmálum hvenær sem er.
Nýir skilmálar taka gildi við birtingu á moment.is og gilda fyrir öll ný kaup eftir það.
Lög og varnarþing
Um þessa skilmála gilda íslensk lög.
Rísi ágreiningur skal hann borinn undir Héraðsdóm Reykjavíkur.
Tengiliðaupplýsingar
Netfang: moment@moment.is